Reseıde feıerverkten polıtsııa qyzmetkeri qaza tapty

NUR-SULTAN. QazAqparat – Reseıdiń Rıazan oblysynyń Zaharovskıı aýdanynda otshashý kezinde qaza tapqan er adam Máskeýdiń Shyǵys ákimshilik okrýgi boıynsha ishki ister basqarmasynyń Ekonomıkalyq qaýipsizdik jáne sybaılas jemqorlyqqa qarsy is-qımyl bóliminiń qyzmetkeri bolyp shyqty. dep habarlaıdy QazAqparat TASS agenttigine silteme jasap.

Ol jańa jyl túninde januıasymen feıerverk atqan. Otshashýdy jaǵý kezinde jarylys bolyp, sonyń saldarynan polıtsııa qyzmetkeri bas súıeginen jaraqat alyp, sol jerde qaıtys boldy. Ol ishki ister organdarynda 2003 jyldan beri jumys istegen.

Buǵan deıin Reseı Federatsııasy Rıazan oblysy boıynsha tergeý basqarmasynyń baspasóz qyzmeti otshashý kezinde jaraqat alǵan 1984 jyly týǵan er adamnyń ólimine qatysty tergeýge deıingi tekserý júrgizilip jatqanyn habarlaǵan bolatyn. Tergeýshiler oqıǵa ornyn qarap, pırotehnıkalyq zattar men qajetti qujattardy tárkiledi.