Reseıde fabrıkada galereıa opyrylyp, jumysshy qaza tapty
NORILЬSK. TASS-QazAqparat - Norılsk baıytý fabrıkasynyń aýmaǵyndaǵy tsehta ýatýshy galereıa opyrylyp, birneshe adam qaza tapty, dep habarlaıdy QazAqparat TASS agenttigine silteme jasap.
«20 aqpanda Máskeý ýaqytymen saǵat 00:44 shamasynda ýatýshy tsehtyń galereıasy qulaǵany týraly habar kelip tústi. Úıindi astynan tórt adamdy shyǵaryp aldyq. Onyń bireýi aýrýhanada kóz jumdy « dep habarlady Reseıdiń tótenshe jaǵdaılar mınıstrligi.
Oqıǵa bolǵan kezde ǵımaratta 8 adam jumys istep jatqan.
Vedomstvonyń málimetinshe, eki adam óz betinshe qaýipsiz jerge shyǵyp úlgergen. Sosyn qutqarýshylar úıindi astynan taǵy tórt adamdy alyp shyqty.
Jaraqat alǵandar tez arada dárigerlerge tapsyrylǵan. Onyń biri aýrýhanada qaıtys boldy.
«Taǵy eki adamdy izdep jatyrmyz» dep habarlady TJM baspasóz qyzmeti.
Qutqarý jumysyna 181 adam jáne 56 tehnıka jumyldyrylǵan.
Aqparat kóziniń aıtýynsha, úıindini aqtaryp, adamdardy izdeýge óńirdegi qatty aıaz jáne konstrýktsııalardyń qulaý qaýpi kedergi jasap tur.
Taǵy bir aqparat kózine sensek, fabrıkada bir emes, úsh galereıa jáne ýatý ortalyǵynyń qoımasy ishinara opyrylǵan.
Qulaǵan aýmaq - shamamen 200 sharshy metr.
Aımaq prokýratýrasy oqıǵa ornynda ónerkásip qaýipsizdigi tehnıkasynyń qanshalyqty saqtalǵanyn tekseredi.
