Reseıde esirtki zerthanasyn uıymdastyrdy degen kúdikpen qazaqstandyq ustaldy
ASTANA. KAZINFORM – Pavlodar oblysy prokýratýrasynyń úılestirýimen quqyq qorǵaý organdarynyń qyzmetkerleri Reseı Federatsııasynyń Sverdlov oblysynda Qazaqstan azamatyn ustady.
Ol elimizdiń aýmaǵynda esirtki zerthanasyn uıymdastyrǵan.
— Ustalǵan azamat 2024 jyly oblys aýmaǵynan jeke úı satyp alyp, onda asa iri kólemde «mefedron» esirtkisin óndirgen, — delingen Pavlodar oblysynyń prokýratýrasy habarlamasynda.
Osy fakti boıynsha Qylmystyq kodekstiń 297-baby boıynsha sotqa deıingi tergep-tekserý bastaldy.
— Qazirgi ýaqytta prokýratýra kúdiktini Qazaqstan Respýblıkasyna ekstradıtsııalaý sharalaryn júrgizip jatyr, — delingen habarlamada.
Bul qylmys 12 jylǵa deıin bas bostandyǵynan aıyrýmen jazalanady.
Aıta ketelik Ispanııadan esirtki tasymaldaǵan qazaqstandyq 16 jylǵa sottalǵan edi.