Reseıde esirtki kontrabandasy úshin sottalǵan qazaqstandyq otanyna ekstradıtsııalaýdy ótindi
QARAǴANDY. QazAqparat - Reseıde esirtki kontrabandasy úshin sottalǵan Qaraǵandy oblysynyń turǵyny jazasyn otanynda óteıtin boldy, dep habarlady «QazAqparat» HAA tilshisi Nura aýdandyq sotynyń baspasóz qyzmetine silteme jasap.
«QR Bas prokýratýrasy QR QPK 607-baby tártibinde Nura aýdandyq sotyna shetel memleketiniń úkimin oryndaýdy taný týraly usynymmen júgindi. Krasnoıarskıı ólkelik soty 2016 jylǵy 11 naýryzda Qazaqstan azamatyn esirtki kontrabandasy úshin qatań rejimdegi túzeý mekemesinde jazasyn óteı otyryp, 12 jylǵa bas bostandyǵynan aıyrýǵa úkim shyǵardy.
Sottalǵan azamat otanynda jazasyn óteýge aýystyrý týraly ótinishpen júgindi», - dedi aýdandyq sottyń baspasóz qyzmetinde. Sot Bas prokýrordyń usynymyn qanaǵattandyrdy. Soǵan uqsas jaza taǵaıyndaldy.
Sot qaýlysy zańdy kúshine engen joq.
