Reseıde er adam óz otbasyn pyshaqtap tastady
ASTANA. QazAqparat - Reseıdiń Túmen oblysy Lesnoe aýylynda 24 jastaǵy jigit tórt adamdy: ajyrasqan áıeli, eki balasy jáne enesin óltirdi, dep habarlady jergilikti BAQ.
-Qazirgi ýaqytta 4 adamdy óltirdi degen kúdikpen áıeldiń burynǵy kúıeýi ustaldy, -dep habarlady Túmen oblysy boıynsha tergeý komıteti basshysynyń aǵa kómekshisi Lıýdmıla Sheshýkova.
Qylmyskerdiń bergen kýáligi boıynsha, ol (esimi: Zaýr, 24 jasta) bir jyl buryn ajyrasqan áıeline (Darıa) jáne balalaryn kórý úshin ata-enesiniń úıine barǵan. Burynǵy áıel bir jarym aı buryn ǵana poshta qyzmetkeri bolyp jumysqa ornalasqan. Zaýr áıeline qaıtadan qosylýdy aıtyp, úıine qaıtýdy suraýǵa kelgen. Ol buǵan deıin de aýylǵa birneshe ret baryp, balalaryna syılyq aparyp turǵan.
Alaıda, bul jolǵy kezdesý otbasy úshin sońǵy, qandy kezdesý boldy. Áıelimen sózi jaraspaǵan ol ashýǵa minip, pyshaqqa jarmasqan. Kúdiktiniń aıtýynsha, aldymen ol áıelin, keıin balalaryn óltirgen. Osy ýaqytta úıge burynǵy enesi kirip kelgen. Kúdikti qolyna túsken aýyr zatpen onyń basynan uryp óltirgen. Kúdikti jasaǵan qylmysy úshin polıtsııadan qashpaı, bolǵan jaıdy ózi aıtyp bergen.
