Reseıde eńbek mıgranttarynyń orys tilin bilýine qoıylatyn talap qaıta qaralýy múmkin
MÁSKEÝ.Kazinform - Reseı Іshki ister mınıstrligi sheteldik jumysshylardyń bir bóligin orys tilin, Reseı tarıhyn jáne zańnamasynyń negizderin biletinin rastaý mindetinen bosatýdy usyndy.
Bul bastama damý basymdyǵy bar aýmaqtardyń rezıdentteri bolyp tabylatyn jumys berýshilerden jumys isteýge ruqsat alǵan shetel azamattaryna qatysty. Bul týraly vedomstvonyń zań jobasynda aıtylǵan, dep habarlaıdy agenttik tilshisi.
Qoldanystaǵy erejelerge sáıkes, shetel azamattary jumys isteýge ruqsat alý úshin orys tilin, Reseı tarıhyn jáne zańnama negizderin biletinin rastaýǵa tıis. Zań jobasy damý basymdyǵy bar aýmaqtardyń rezıdentteri bolyp tabylatyn jumys berýshilerde eńbek etetin, sondaı-aq osyndaı jumys berýshiler men qyzmetterge tapsyrys berýshiler úshin jumys oryndaıtyn sheteldik qyzmetkerlerge qatysty erekshelikterdi keńeıtýdi kózdeıdi.
Reseı Ekonomıkalyq damý mınıstrliginiń málimetinshe, mundaı aýmaqtar monoqalalarda, jabyq ákimshilik-aýmaqtyq qurylymdarda, Qıyr Shyǵys pen Arktıka aımaǵynda ornalasqan. Atap aıtqanda, Qıyr Shyǵysta damý basymdyǵy bar 16 aýmaq, al Arktıkada taǵy eki aýmaq bar.
Usynylyp otyrǵan shara ınvestıtsııa tartýǵa qolaıly jaǵdaı jasaýǵa jáne osy aýmaqtardyń áleýmettik-ekonomıkalyq damýyn jedeldetýge baǵyttalǵan.
Osyǵan deıin Reseıdiń búkil aýmaǵynda mıgranttardy baqylaýdyń jańa júıesi engiziletini týraly jazdyq.
