Reseıde eń kóp araq ishiletin qalalar belgili boldy
ASTANA. QazAqparat - Krasnodar, Ýfa jáne Vladıvostok adam janyna shaqqanda spırttik ishimdikterdi satý kóleminiń reıtıngi boıynsha kósh bastap tur, dep habarlaıdy RIA Novostı. Atalǵan zertteýdi strategııalyq kommýnıkatsııalar jáne áleýmettik jobalar ınstıtýtynyń qyzmetkerleri jáne «FederalPress» aqparattyq agenttigi júrgizdi.
«Biz turǵyndar sany bir mıllıon adamnan asatyn Reseıdiń eń iri qalalaryn tańdap, sondaı-aq bul tizimge Qıyr Shyǵystyń eń iri qalasy retinde Vladıvostokty, turǵyndary sanynyń qarqyny ony mıllıon qala qataryna úmitker retinde sanaýǵa múmkindik beretin Krasnodardy jáne zertteýdi túrlendirý úshin - qalǵan qalalardan aıtarlyqtaı kishi, alaıda Federatsııa sýbektisiniń astanasy bolyp tabylatyn Hanty-Mansıısk qalasyn engizdik», - deıdi zertteý avtorlary.
Zertteý jumysy keste retinde berilgen. Bul jerde qalalar spırttik ishimdikterdi (syrany esepke almaǵanda) adam basyna shaqqandaǵy satý kólemi boıynsha ornalastyrylǵan. Onda Federaldyq statıstıka qyzmetiniń málimetteri qoldanyldy. Zertteýge sáıkes, Krasnodardyń qarapaıym turǵyny jylyna 20,63 lıtr Ýfa turǵyny - 19,9 lıtr, al Vladıvostok turǵyny - 19,21 lıtr ishimdik satyp alady. Reseıdiń kóptegen qalalarynda bul san jylyna 11-den 15 lıtrge deıin. ıAǵnı, zertteý avtorlarynyń atap ótýinshe, qalanyń qarapaıym turǵyny eki aptada bir ret bir bótelke ishimdik alady. Máskeý jáne Sankt-Peterbor 18 qaladan turatyn tizimniń sońynda tur. Ortasha statıstıkalyq esep boıynsha máskeýlik jylyna 7,5 lıtr, al peterborlyq - 8,38 lıtr ishimdik satyp alady eken. Syrany ishýge keletin bolsaq, ony Samarada eń kóp ishetini belgili boldy (jylyna 89,8 lıtr).
