Reseıde elge kirý kezinde mıgranttardy medıtsınalyq tekserý erejeleri qatańdatyldy
MÁSKEÝ.KAZINFORM — Federatsııa Keńesi zańsyz kóshi-qonǵa qarsy is-qımyl sharalaryn engizetin jáne mıgranttardyń densaýlyq jaǵdaıyn baqylaýdy kúsheıtetin zańdy maquldady. Bul týraly parlamenttiń joǵarǵy palatasynyń baspasóz qyzmetine silteme jasap, agenttiktiń Máskeýdegi menshikti tilshisi jazdy.
Qazirgi ýaqytta Reseıge kelgen mıgranttar 90 kún ishinde qaýipti juqpaly aýrýlar men AITV-nyń bar-joǵyna medıtsınalyq tekserýden ótýge, sondaı-aq esirtki qoldaný boıynsha test tapsyrýǵa mindetti.
Maquldanǵan zańǵa sáıkes, medıtsınalyq tekserýden ótý merzimi bir aıǵa deıin qysqartylady. Budan bólek, elde 30 kúnnen astam ýaqyt bolatyn mıgranttar jyl saıyn medıtsınalyq kýálandyrýdan ótýi tıis bolady.
Tekserý shyǵyndaryn mıgranttardyń ózderi nemese olardyń jumys berýshileri tóleıdi. Sondaı-aq qujatta eńbek mıgranttaryn tekserý kezinde deldaldyq qyzmetke tyıym salý qarastyrylǵan. Medıtsınalyq kýálandyrýdy tek osyǵan ýákilettik berilgen uıymdar ǵana júrgize alady. Bul rásimderden ótý ýaqytsha turýǵa nemese jumys isteýge ruqsat alý úshin mindetti talap bolady.
Medıtsınalyq tekserý qorytyndysy boıynsha dárigerler qaǵaz jáne elektrondyq formatta qorytyndy rásimdeıdi. ıAǵnı málimetter Biryńǵaı memlekettik densaýlyq saqtaý aqparattyq júıesine (EGISZ) engiziledi. Eger tekserý barysynda mıgranttan qaýipti aýrý anyqtalsa nemese onyń esirtki qoldanǵany belgili bolsa, medıtsınalyq uıym bir táýlik ishinde bul týraly Іshki ister mınıstrligi men Rospotrebnadzorǵa habarlap, elden shyǵarý týraly sheshim qabyldaý úshin aqparat beredi.
Qujatqa el prezıdenti qol qoıǵannan keıin ol 2026 jylǵy 1 qyrkúıekten bastap kúshine enedi.
Buǵan deıin Qazaqstan Respýblıkasy Syrtqy ister mınıstrliginde QR-tirkeýdi qamtıtyn Reseıge kirýdiń jańa erejelerine túsinikteme berilgeni týraly habarlanǵan bolatyn.
