Reseıde ekinshi kún qatarynan koronavırýs juqtyrý kórsetkishi 20 myńnan asyp ketti
MÁSKEÝ. TASS-QazAqparat – Reseı elinde ekinshi kún qatarynan koronavırýs ınfektsııasyn juqtyrǵandar sany 20 myń adamnan asyp otyr. Ótken táýlikte 20 396 oqıǵa anyqtalǵan, ınfektsııaǵa shaldyqqan adamdardyń jalpy sany 1 753 836-ǵa deıin jetti, dep habarlaıdy QazAqparat TASS agenttigine silteme jasap.
Eldegi koronavırýsqa qarsy kúres boıynsha jedel shtabtyń málimetinshe, ósim eki kún boıy 1,2 paıyzdan aspaı otyr.
Ósim qarqyny eń az tirkelgen aımaqtar qataryna Daǵystan respýblıkasy (0,5%), Tatarstan, Chývash respýblıkasy (0,6%-dan), Hanty-Mansıısk avtonomııalyq aýdany, Máskeý oblysy, Marıı El respýblıkasy (0,7%-dan) kiredi.
Atap ótkende, bir táýlik ishinde Máskeýde koronavırýs juqtyrýdyń 5 829 oqıǵasy, Máskeý oblysynda – 629 oqıǵa, Nıjegorod oblysynda – 434, Arhangelsk oblysynda – 359 jáne Krasnodar ólkesinde – 322 oqıǵa tirkeldi.
Qazirgi kezde Reseı Federatsııasynda 410 658 adam vırýstan emdelip jatyr.
Aýrýdan jazylyp shyqqan reseılikter sany táýlik ishinde 16 803 adam boldy (budan bir kún buryn – 16 955 adam). Jalpy alǵanda, vırýs juqtyrǵan 1 312 927 adam nemese 74,9 paıyz jazylyp shyqty.
Táýlik ishinde Máskeýde 3 675 syrqat, Samara oblysynda – 437, Máskeý oblysynda – 435, Nıjegorod oblysynda – 421, Voronej oblysynda – 397, Volgograd oblysynda – 352, Kemerovo oblysynda – 324 adam aýrýhanadan shyǵaryldy.
Bir kún ishinde vırýstan 364 adam qaıtys (budan bir kún buryn – 378 adam) bolǵan, jalpy elde 30 251 adam kóz jumǵan.
Táýlik ishinde Máskeýde 75 ólim oqıǵasy, Rostov oblysynda – 18, Máskeý oblysynda – 14, Nıjegorod oblysynda – 12, Samara jáne Ýlıanov oblystarynda – árqaısysynda 10 ólim oqıǵasy tirkeldi.
Rosstat málimetinshe, sáýir aıynan bastap qyrkúıektiń sońyna deıin elde koronavırýs ınfektsııasynan 31 969 adam qaıtys bolǵan, taǵy 23 702 oqıǵada ınfektsııa anyqtalǵanymen, ólimge sebep bolǵan joq.
