Reseıde eki kisiniń ólimine qatysty 19 jyl izdeýde bolǵan kúdikti OQO-da ustaldy
ASTANA. QazAqparat - Ońtústik Qazaqstan oblysy Shardara aýdany ІІB-niń polıtsııa qyzmetkerleri jedel-izdestirý jumystaryn júrgizý barysynda Reseı Federatsııasynda 1999 jyly eki kisi ólimine qatysy bar degen kúdikpen izdeýde júrgen Shardara qalasynyń 1963 jyly týǵan turǵynyn ustady, dep habarlaıdy OQO ІІD Memlekettik til jáne aqparat basqarmasy.
Shardara AІІB-niń polıtsııa bólimine Reseıdegi áriptesterinen suraý hat kelip túsken, onda Reseı Federatsııasynda eki adamdy óltirgen kúdikti OQO Shardara aýdanynda jasyrynyp júr dep habarlanǵan. Qylmystyq is Mınsk konventsııasynyń kelisimi boıynsha jiberilgen.
Polıtsııa qyzmetkerleri kúdikti azamattyń Shardara aýdanynda tirkeýde turǵanyn, onyń turmystyq hımııa zattaryn satatyn fırmaǵa saýda ókili bolyp jumys jasap júrgenin, sondaı-aq, basqa atpen ózin tanystyryp júrgenin anyqtady.
Shardara AІІB-nyń krımınaldy polıtsııa qyzmetkerleri anyqtaǵandaı 54-jastaǵy kúdikti azamattyń Shardara qalasynda týysqandary bar ekeni anyqtaldy. Ol negizinde Shymkent qalasynda turǵan, alaıda mekenjaı boıynsha ony taba almaǵan. Polıtseıler jedel-izdestirý is-sharalar barysynda Arys qalasyndaǵy bazardyń birinen kúdikti azamatty ustady. Sotqa deıin tergeý júrgizilýde.
Jınalǵan materıaldar protsesýaldy sheshim qabyldaý úshin sotqa jiberildi
