Reseıde Ekaterınbýrg turǵyny kóshedegi elge oq jaýdyrdy

Іshki ister mınıstrliginiń Sverdlov oblysy boıynsha baspasóz qyzmetiniń bastyǵy Valerıı Gorelyh TASS agenttigine bergen málimetinde oqıǵa saldarynan qyz ben kúzet qyzmetkeri zardap shekkenin rastady, dep habarlaıdy QazAqparat.

«Búgin polıtsııaǵa Borodın kóshesindegi úılerdiń birinde oq atylǵany týraly aqparat tústi. Oqıǵa ornyna dereý jedel áreket etý toby jetip, mańaıdy qorshaýǵa aldy. Turǵyndardyń biri terezeden oq atqany belgili boldy. Sadarynan qyz bala men Rosgvardııa qyzmetkeri jaraqat aldy. Olarǵa medıtsınalyq kómek kórsetiledi», - dedi Valerıı Gorelyh.

Sverdlov oblysynyń Densaýlyq saqtaý mınıstrligi Tótenshe jaǵdaı saldarynan eki adamnyń oq jaraqatyn alǵanyn rastady. Vedomstvonyń málimetinshe, er adam №36 travmatologııalyq aýrýhanada ortasha aýyr halde jatyr.

«Qyzdyń jaǵdaıy óte aýyr, №9 qalalyq klınıkalyq balalar aýrýhanasyna jatqyzyldy», - dep tolyqtyrdy aımaqtyq Densaýlyq saqtaý mınıstrliginiń baspasóz qyzmeti.

Atys bolyp jatqan úıdiń turǵyndary qaýipsiz jerge kóshirilip jatyr. Úıdiń aınalasy qorshalǵan. TASS tilshisi habarlaýynsha, atys qaıta órshigen.