Reseıde Ebola bezgegin juqtyrdy degen kúdikpen týrıster aýrýhanaǵa jatqyzyldy
ASTANA. QazAqparat - Reseıdiń Komsomolske-na-Amýre jerinde Ebola bezgegin juqtyrýy múmkin degen kúdikpen 9 aılyq sábı men onyń anasy aýrýhanaǵa jatqyzyldy.
Olardyń ekeýi de qazir indet taralyp turǵan Nıgerııadan kelgen. Bul týraly Habarovsk ólkesiniń densaýlyq saqtaý mınıstri Aleksandr Vıtko málimdedi, dep jazady RIA Novostı.
Mınıstrdiń aıtýynsha, olar aýrýhanaǵa balanyń qyzýy kóterilgendikten jatqyzylǵan. Anasy men balasynan da analızder alyndy, qazir olar juqpaly aýrýlar aýrýhanasynda jatyr. Analız nátıjeleri 21 qazan kúni belgili bolady.
DDSU 17 qazandaǵy málimetine sáıkes 2014 jylǵy naýryz aıynan beri Ebola bezgegin 9 myń 191 adam juqtyrǵan, al 4 myń 546 adam osy indetten kóz jumǵan.
