Reseıde DAISh múshesi terakt jasamaq bolǵan
MÁSKEÝ. TASS-QazAqparat – Reseıdiń Federaldyq qaýipsizdik qyzmeti Vladıkavkazda lańkestik árekettiń jolyn kesip, jarylys uıymdastyrmaq bolǵan «Islam memleketi» halyqaralyq terrorıstik uıymynyń (DAISh) múshesin ustady, dep habarlaıdy QazAqparat.
«Federaldyq qaýipsizdik qyzmeti Vladıkavkazda lańkestik árekettiń jolyn kesti. Ótkizilgen sharalardyń nátıjesinde 1990 jyly týǵan Reseı azamaty ustaldy. Ol ákimshilik ǵımarattardyń biriniń janynda qoldan jasalǵan jarylǵysh zatty iske qospaq bolǵan. Keıin Reseı aýmaǵynda tyıym salynǵan DAISh halyqaralyq lańkestik uıymynyń qyzmetine qatysý úshin Taıaý Shyǵysqa shyǵyp ketýdi josparlaǵan», - dep habarlaıdy TASS agenttigi FQQ Qoǵamdyq baılanys ortalyǵyna silteme jasap.
FQQ mamandary onyń jasyryp qoıǵan ornynan jarylǵysh zatty jasaýǵa arnalǵan quraldardy, sondaı-aq onyń qylmystyq áreketterin áshkereleıtin DAISh-tiń shetelde júrgen múshelerimen elektrondyq hattary anyqtaldy.
RF QK 205.5-babynyń 2-bóligimen («Lańkestik uıymnyń qyzmetine qatysý») qylmystyq is qozǵaldy, sondaı-aq RF QK 30-babynyń 3-bóligi jáne 205-babynyń 1-bóligi («Lańkestik áreketke oqtalý») boıynsha qylmystyq isterqozǵaý máselesi sheshilýde.
