Reseıde chıkýngýnıa bezgeginiń ekinshi ımporttalǵan jaǵdaıy anyqtaldy

ASTANA. KAZINFORM — Rospotrebnadzor Reseıde chıkýngýnıa bezgeginiń ekinshi ımporttalǵan jaǵdaıyn rastady, dep habarlaıdy TASS.

Reseıde epıdemıologııalyq tergeý barysynda Shrı-Lankadan ımporttalǵan chıkýngýnıa bezgeginiń ekinshi jaǵdaıy rastaldy, úshinshi naýqastyń bıomaterıaly zerttelip jatyr. Bul týraly Rospotrebnadzordyń baspasóz qyzmeti jýrnalısterge habarlady.

— Rospotrebnadzordyń epıdemıologııalyq tergeýi barysynda ımporttalǵan chıkýngýnıa bezgeginiń alǵashqy jaǵdaıy anyqtalǵannan keıin jáne baılanysta bolǵan tulǵalarmen jumys istegende, dene qyzýy kóterilgen taǵy eki naýqas anyqtaldy. Olardyń bári bir otbasynyń músheleri jáne birge Shrı-Lankada demalǵan. Rospotrebnadzordyń epıdemıologııa ǵylymı-zertteý ınstıtýtynda (TsNII) PTR testileý nátıjeleri bir naýqasta vırýs juqtyrǵanyn kórsetti. Bıomaterıal dıagnozdy rastaý úshin Rospotrebnadzordyń «Vektor» ulttyq ǵylymı ortalyǵyna jiberildi, — delingen habarlamada.

Aıta keteıik, keshe Reseıde chıkýngýnıa bezgeginiń alǵashqy syrttan ákelingen jaǵdaıy tirkelgenin jazǵanbyz.