Reseıde BTR-men qala kezgen eki mas sarbaz ustaldy
ASTANA. QazAqparat - Reseıdiń Chıta qalasynda polıtsııa qyzmetkerleri bronetransportermen qala kezgen eki mas áskerı qyzmetishini ustady, dep habarlady «TASS» agenttigi.
«Qala ishinde BTR-men «qydyryp» júrgender týraly habarlama keshke tústi. Kýágerlerdiń aıtýynsha, BTR qarsy jolǵa shyǵyp, kólik apatyn týǵyza jazdaǵan. Oqıǵa ornyna tekserý úshin jol polıtsııasynyń ekıpajy jiberildi», - dep habarlaıdy RF ІІM Zabaıkale ólkesi boıynsha basqarmasy baspasóz qyzmetiniń bastyǵy L. Ivanovna. Polıtseıler BTR-di turǵyn úı aýlasynan tapqan. Áskerı kóliktiń ishindegi sarbazdar mas bolǵany sonshalyq, syrtqa shyǵýdan bas tartady. Alaıda, polıtseıler BTR-diń terezesin syndyryp, áskerı formadaǵy mas eki er adamdy alyp shyqty.
