Reseıde BTA Bank eks-basshysynyń isi syrttaı qaraý úshin sotqa baǵyttaldy
MÁSKEÝ. TASS-QazAqparat - Reseıdiń Bas prokýratýrasy syrtta qaraý úshin BTA Bank dırektorlar keńesiniń burynǵy tóraǵasy Muhtar Ábilıazovke qatysty qylmystyq isti sotqa baǵyttady. Bul týraly TASS agenttigine RF Bas prokýratýrasynyń resmı ókili Aleksandr Kýrennoı málim etti, dep habarlaıdy QazAqparat.
«29 sáýirde RF Bas prokýratýrasy BTA Bank dırektorlar keńesiniń burynǵy tóraǵasy Muhtar Áblıazovke, atalǵan banktiń burynǵy basqarma tóraǵasy Roman Solodchenkoǵa, sondaı-aq olardyń qyzmetkerleri Artýr Trofımovke, Igor Kononkoǵa, Tatıana Paraskevıchke, Anatolıı Ereşenkoǵa jáne Aleksandr Ýdovenkoǵa qatysty qylmystyq is boıynsha aıyptaý qorytyndysyn bekitti», - dedi Kýrennoı.
Reseıde olarǵa asa iri kólemdeni alaıaqtyq, qarjyny jylystatý ári asa iri somada shyǵyn keltirý aıyptary taǵylýda.
Tergeý málimetterine qaraǵanda, 2006-2009 jyldary olar BTA Bankte 58 mlrd rýblden astam qarjyny jymqyrǵan, ıaǵnı jer ýchaskeleriniń kepilimen nesıe bergen.
A. Kýrennoıdyń atap ótýinshe, qazirgi ýaqytta kúdiktiler RF-ten tys aımaqta jasyrynyp júr. Qylmystyq is syrttaı qaraý úshin Máskeý oblysy Domodedov qalalyq sotyna baǵyttaldy.
