Reseıde birqatar servıstiń jumysy jappaı isten shyqty
ASTANA. KAZINFORM — Reseılik paıdalanýshylar «ıAndeks» servısteriniń, «Magnıt» dúkender jelisi men DDX Fitness fıtnes-klýbtarynyń mobıldi qoldanbalaryna jáne basqa da servısterde aqaý bar ekenin habarlap jatyr. Bul týraly Kazinform TASS agenttigine silteme jasap habarlaıdy.
«ıAndeks Peı» tólem servısiniń (bir táýlikte 12 myń shaǵym), «ıAndeks» izdeý júıesiniń (11 myń shaǵym), «ıAndeks Eda» (1,8 myń shaǵym), «ıAndeks Mýzyka» (1,3 myń shaǵym) jáne «ıAndeks Go» (7,4 myń shaǵym) qoldanbalarynyń jumysynda aqaýlar baıqalǵan.
Sondaı-aq «Magnıt» dúkender jelisiniń qoldanbasyna (4,3 myń shaǵym) jáne DDX Fitness fıtnes-klýbtary jelisiniń qoldanbasyna (1,5 myń shaǵym) qatysty da shaǵymdar túsken.
«Sboı.RF» servısiniń málimetinshe, «Kınopoısk» qyzmetinde 3 759, «Dodo Pıtstsada» 927, Lamoda qoldanbasynda 542 jáne «Vkýsno — ı tochka» jelisinde 806 aqaý týraly shaǵym tirkelgen.
Eske salaıyq, buǵan deıin Qazaqstanda Yandex Go servısteriniń jumysy toqtaǵanyn habarlaǵanbyz.
Kompanııanyń baspasóz qyzmeti keıbir servısterde aqaý bar ekenin rastady. Qazir mamandar olardyń jumysyn qalpyna keltirýge kúsh salyp jatyr. Alaıda qyzmetterdiń qashan tolyq iske qosylatyny ázirge belgisiz.
ıAndeks ókilderiniń túsindirýinshe, kúrdeli tsıfrlyq servısterdiń jumysy ártúrli elderde ornalasqan serverlerge táýeldi. Sondyqtan bir serverdegi aqaý basqa elderdegi qyzmetterdiń jumysyna da áser etýi múmkin.
