Reseıde bortynda 3 adam bar tikushaq joǵalyp ketti
ASTANA. QazAqparat - Bortynda 3 adam bolǵan Mı-8 tikushaǵy Reseıdiń Irkýtsk oblysynda joǵalyp ketti, dep habarlaıdy QazAqparat TASS agenttigine silteme jasap.
«Tikushaq «Angara» áýe kompanııasyna tıesili. Onymen baılanys úzildi, dál qazir izdestirý sharalaryn júrgizip jatyrmyz», - dedi agenttikke suhbat berýshi.
Onyń aıtýynsha, joǵalyp ketken tikushaq áýefototúsirilim jasap júrgen.
Óńirdiń jedel qyzmet mekemelerinde MI-8 tikushaǵy Ýst-Kýt qalasynan Soltústik Baıqalǵa qaraı jol tartqanyn jáne geologııalyq barlaý jumystaryn júrgizip júrgenin málim etti.
«Angara» tikushaqtyń bortynda tek áýe kompanııasynyń qyzmetkerleri bolǵanyn jetkizdi.
«Іzdestirýge Kırenskiniń (Irkýtsk oblysy) Mı-8 jáne An-26 tikushaqtary men arnaıy parashıýttik top attandy», - dedi Sibir avıatsııalyq izdestirý-qutqarý ortalyǵynyń dırektory Anatolıı Lýkıanenko.
