Reseıde bóget buzylyp, 12 adam opat boldy
MÁSKEÝ. TASS-QazAqparat – Reseıdiń Krasnoıarsk ólkesinde bóget buzylýynan keminde 12 adam qaza tapty. Taǵy 13 adam tabylmaı jatyr, dep habarlaıdy «QazAqparat» HAA TASS agenttigine silteme jasap.
Jergilikti ýaqytpen túngi saǵat ekiler shamasynda Krasnoıarsk ólkesindegi Kýragın aýdanynyń Şetınkıno eldi mekeninde Seıba ózeninde altyn óndirýshi artel salǵan bóget buzylyp ketken, tasyǵan sý jumysshylardyń ýaqytsha salǵan eki jataǵyn shaıyp ketken.
«12 adam qaza tapty», - dep málimdegen eldiń Tótenshe jaǵdaılar mınıstrligi.
19 adam zardap shekken, 13 adamnyń jaǵdaıy anyqtalyp jatyr.
Qazir oqıǵa ornynda qutqarýshylar jumys istep jatyr.
