Reseıde birneshe kólik soqtyǵysyp, eki adam qaza boldy
NUR-SULTAN. QazAqparat- Reseıdiń Voronej qalasyndaǵy Máskeý dańǵylynda jeti kólik soqtyǵysyp, eki adam qaza taýyp, taǵy úsheýi zardap shekti. Bul týraly QazAqparat reseılik TASS agenttigine silteme jasap habarlaıdy.
Jeksenbi kúni saǵat 19:20 shamasynda Voronej qalasynyń Máskeý dańǵylynda Kia Rio, Volvo, Lifan avtokólikteriniń qatysýymen jol apaty boldy.
Skoda kóligimen kelgen komıssarlardyń jol-kólik oqıǵasyn rásimdeý kezinde, jol boıynda turǵan kólikterge Toyota kóligi kelip soǵylyp, jaqyn mańda ótip bara jatqan taǵy eki kólik — Toyota men VAZ-2112 soqtyǵysty.
Jol apaty saldarynan Lifan kóliginiń júrgizýshisi, 1998 jylǵy áıel oqıǵa ornynda mert boldy, onyń jolaýshysy aýrýhananyń qabyldaý bóliminde qaıtys bolǵan. Aralarynda bir jaıaý júrginshi bar taǵy úsh adam túrli jaraqat aldy. Qazirgi kezde polıtsııa oqıǵanyń barlyq mán-jaıy men sebepterin anyqtaýda.
