Reseıde bir túnniń ishinde 15 myń gektar orman órtendi
ASTANA. QazAqparat - Reseı aýmaǵynda tabıǵı órt oqıǵalary saldarynan 15 myńnan astam gektar ormandy jer joıyldy, dep habarlady TASS Reseı orman sharýashylyǵy vedomstvosyna qarasty «Avıalesoohrana» qyzmetine silteme jasap.
«Bir táýliktiń ishinde 24 475 ga jer otqa orandy, sonyń ishinde 15 347 ga - ormandy alqap», - delingen habarlamada.
Orman sharýashylyǵynyń aımaqtyq dıspetcherlik qyzmetteriniń aqparatynsha, ótken táýlikte jalpy aýmaǵy 13,3 myń gektar jerdi jalmaǵan 131 orman órtin sóndirý múmkin boldy. Jalynmen kúreske shamamen 5,5 myń adam qatysty.
Eń iri órt oshaqtary Amýr oblysy, Zabaıkale jáne Býrıatııada.
