Reseıde bir táýliktiń ishinde 25 myń adam koronavırýs juqtyrdy

MÁSKEÝ. TASS-QazAqparat – Reseıde koronavırýs juqtyrǵandardyń sany bir táýlikte 25 704-ke ósip, 5 907 999-ǵa jetti. Bul týraly TASS agenttigine silteme jasap QazAqparat habarlaıdy.

Reseıdiń federaldy shtaby taratqan málimetke sáıkes, salystyrmaly túrde juqtyrǵandardyń ósý úlesi – 0,44%. Atap aıtqanda, bir táýlikte Máskeý oblysynda 2 484, Sankt-Peterbýrgte 1 948, Nıjegorod oblysynda 529, Krasnoıar aımaǵynda 481, Sverdlov oblysynda 478 adamnan ınfektsııa anyqtalǵan.

Qazirgi kezde elde 460 223 adam em alýda.

Koronavırýstan kóz jumǵandar sany bir táýlikte 799-ǵa ósken, keshe bul kórsetkish 791 bolǵan. Bul pandemııa bastalǵannan bergi rekordtyq kórsetkish bolyp otyr. Shtab derekterine saı, shartty ólim úlesi (naqty derekter epıdemııa aıaqtalǵannan keıin ǵana belgili bolady) 2,49%-ǵa deıin kóterilgen.

Eske salsaq, Reseıde qaýipti vırýstan kóz jumǵandar sany birneshe kún qatarynan rekord ornatýda. Jáne Reseıde koronavırýs juqtyrǵandar sany ósip, álemde tórtinshi orynǵa kóterildi