Reseıde bir táýlikte koronavırýstyń rekordty kórsetkishi tirkeldi
MÁSKEÝ. TASS-QazAqparat – Reseıde bir táýlikte koronavırýsty 19 768 adam juqtyrǵan. Bul, pandemııa batalǵaly eń úlken kórsetkish. Elde vırýsqa shaldyqqandar sany 1 693 454 adamǵa jetti, dep habarlaıdy QazAqparat TASS agenttigine silteme jasap.
Koronavırýsqa qarsy kúres jurgizý shtabynyń málimetinshe, ósim 1,2 paıyzdy quraǵan.
Táýlik ishinde ósim qarqyny tómen bolǵan aýdandar tizimine Tatarstan Respýblıkasy men Daǵystan Respýblıkasy (0,5 paıyzdan), Máskeý oblysy, Chývash Respýblıkasy (0,6 paıyzdan), Hanty-Mansıısk avtonomdy ólkesi, Sheshenstan Respýblıkasy, Sverdlov oblysy jáne Marıı El Respýblıkasy (0,7 paıyzdan) kirdi.
Táýlik ishinde Máskeýde koronavırýs juqtyrýdyń 5 826 oqıǵasy, Máskeý oblysynda – 569 oqıǵa, Nıjegorod oblysynda – 417, Arhangelsk oblysynda – 389, Rostov oblysynda – 309 oqıǵa tirkelgen.
Qazirgi kezde elde 397 306 adam em qabyldap jatyr.
Aýrýdan aıyqqan adamdardyń sany táýlik ishinde 15 567-ge ósken, bul – pandemııa bastalǵaly eń úlken kórsetkish. Infektsııadan barlyǵy 1 266 931 adam jazylyp shyqty.
Reseıde koronavırýs saldarynan qaıtys bolǵan adamdardyń sany táýlik ishinde 355-ten 389-ǵa deıin ósken. Jańa ınfektsııa saldarynan elde jalpy 29 217 adam kóz jumdy.
