Reseıde bir táýlikte koronavırýstan 890 adam qaıtys bolǵan

MÁSKEÝ. TASS-QazAqparat – Reseıde bir táýlikte koronavırýstan bolǵan ólim jaǵdaılarynyń sany 890-ǵa jetken, bir kún buryn 886 adam kóz jumǵan.

Bul – pandemııa bastalǵaly ornaǵan jańa rekord. Bul týraly jeksenbi kúni jańa ınfektsııamen kúres jónindegi jedel shtab málim etti, dep habarlaıdy QazAqparat TASS agenttigine silteme jasap.

Pandemııa bastalǵaly 209 918 adam qaıtys bolǵan. Shartty ólim jaǵdaıy 2,77% deńgeıine deıin ósti, dep habarlady shtab.

Koronavırýs juqtyrýdyń rastalǵan jaǵdaılarynyń sany bir táýlikte 25 769-ǵa artyp, jalpy sany 7 586 536 adamǵa jetken.

Qazirgi ýaqytta Reseıde 650 653 adam aýyryp jatyr.

Koronavırýstan jazylyp shyqqandar sany bir kúnde 15 391-ge artyp, jalpy sany 6 725 965 adamǵa jetti.

Shtabtyń málimetteri boıynsha, aýrýhanadan shyǵarylǵan patsıentterdiń úlesi aýrýǵa shaldyqqandardyń jalpy sanynan 88,7% - ǵa deıin tómendegen.