Reseıde bir táýlikte koronavırýs juqtyrǵandar sany rekordtyq kórsetkishke jetti
MÁSKEÝ. TASS-QazAqparat – Reseıde bir táýlikte koronavırýs juqtyrǵandar sany 18 283-ke jetti, bul - pandemııa bastalǵaly tirkelgen eń joǵary kórsetkish. Jalpy ınfektsııaǵa shaldyqqandar sany 1 599 976-ǵa artty, dep habarlady juma kúni koronavırýspen kúres jedel shtaby. Bul týraly QazAqparat TASS agenttigine silteme jasap habarlaıdy.
Shtab málimetinshe, ósim 1,2%-dy quraǵan.
Sheshenstan men Daǵystan Respýblıkalary (0,5%-dan), Máskeý oblysy, Chývash Respýblıkasy men Tatarstan Respýblıkasynda (0,6%-dan) ósý qarqyny tómendegen.
Bir táýlikte koronavırýs juqtyrǵandar sany: Máskeýde – 5 268, Máskeý oblysy – 524, Arhangelsk oblysy – 325, Rostov oblysy – 310, Voronej oblysynda – 296.
Jazylyp shyqqandar sany táýligine 14 519 adamǵa deıin artty, jalpy ınfektsııadan 1 200 560 naýqas jazylyp shyqqan. Shtaby málimeti boıynsha, saýyǵyp shyqqandar sany jalpy juqtyrǵandardyń 75%-yn quraıdy.
Táýlik ishinde koronavırýstan 355 adam qaıtys boldy, bir kún buryn bul kórsetkish 366 bolǵan edi. Jalpy ınfektsııadan 27 656 naýqas kóz jumdy.
Qazirgi ýaqytta RF-da 371 760 adam em alyp jatyr.
