Reseıde bir táýlikte 41 myńǵa jýyq adam koronavırýs juqtyrǵan

MÁSKEÝ. TASS-QazAqparat – Reseıde bir táýlikte koronavırýs juqtyrýdyń rastalǵan jaǵdaılarynyń sany 40 993-ke jetti, jalpy sany – 8 513 790. Bul – pandemııa bastalǵaly tirkelgen jańa maksımým, dep habarlaıdy QazAqparat TASS agenttigine silteme jasap.

Bul jaıynda aýrýmen kúres jónindegi jedel shtabtyń jeksenbi kúngi málimetinde kórsetilgen.

Salystyrmaly túrde aýrý juqtyrýshylar sanynyń ósimi 0,48%-dy qurady.

Shtab habarlamasy boıynsha, qazirgi ýaqytta em qabyldap jatqan patsıentter sany - 916 713 adam.

Bir táýlikte 27 115 reseılik saýyǵyp shyqqan.

Emdelip shyqqandardyń jalpy sany 7 358 539 adamǵa jetti.

Shtab málimetterine sáıkes, saýyǵyp shyqqan patsıentter úlesi aýrý juqtyrǵandardyń jalpy sanynan 86,4%-ǵa deıin tómendegen.

Reseıde bir táýlikte koronavırýstan 1 158 adam kóz jumǵan.

Bir kún buryn olardyń sany 1 160 bolǵan.

Qaıtys bolǵandardyń jalpy sany 238 538 adamǵa jetti.