Reseıde bir táýlikte 20 myń adam koronavırýs juqtyrǵan
MÁSKEÝ. TASS-QazAqparat – Reseıde bir táýlikte koronavırýs juqtyrǵandar sany 20 582 adamǵa jetti. Bul – pandemııa bastalǵaly tirkelgen eldegi eń joǵary kórsetkish. RF-da indetke shaldyqqandardyń jalpy sany 1 733 440 adamǵa jetken, dep habarlaıdy QazAqparat TASS agenttigine silteme jasap.
Koronavırýspen kúres jónindegi jedel shtabtyń málimeti boıynsha ósim 1,2%-ǵa artqan.
Bir táýlikte jazylyp shyqqan reseılikterdiń sany 16 955 adamǵa jetti. Elde jalpy 1 296 124 patsıent saýyǵyp shyqqan. Bul barlyq vırýsqa shaldyqqandardyń 74,8%-yn quraıdy.
Reseıde koronavırýstan bir táýlikte 378 adam kóz jumǵan. Infektsııadan jalpy 29 887 patsıent qaıtys bolǵan.
