Reseıde bir táýlikte 13 634 adamnan koronavırýs anyqtalǵan
MÁSKEÝ. TASS-QazAqparat –Jańa koronavırýs ınfektsııasymen kúres jónindegi jedel shtabtyń habarlaýynsha, Reseıde bir táýlikte vırýs juqtyrǵandar sany 13 634 adamǵa jetti. Bul – pandemııa bastalǵaly tirkelgen eń kóp kórsetkish, dep habarlaıdy QazAqparat TASS agenttigine silteme jasap.
Salystyrmaly túrde alǵanda jańa jaǵdaılar sanynyń ósimi 1,1%-ǵa deıin artqan. Bul kórsetkish eki kún buryn 1% deńgeıinde turǵan. Elde aýrýǵa shaldyqqandardyń jalpy sany 1 298 718.
Qazirgi ýaqytta RF-da 255 679 adam aýyryp jatyr.
Bir táýlikte Reseıde 4 240 patsıent aýrýdan saýyǵyp shyqqan. Elde koronavırýstan emdelip shyqqan naýqastardyń jalpy sany 1 020 442 adamǵa jetkenin habarlady shtab. Saýyǵyp shyqqandardyń jalpy sany aýrý juqtyrǵandardyń jalpy sanynan 78,5%-ǵa deıin azaıǵan. Senbi kúni bul kórsetkish 79%-dy quraǵan bolatyn.
Reseıde koronavırýstan qaıtys bolǵandar sany bir táýlikte 149-ǵa artqan. Bir kún buryn 191 adam vırýstan kóz jumǵan bolatyn. Epıdemııa bastalǵaly elde 22 597 adam qaýipti indetten qaıtys boldy.
