Reseıde bir táýlikte 12846 adam koronavırýs juqtyrdy: Bul indet taraǵannan bergi eń kóp kórsetkish
MÁSKEÝ. TASS-QazAqparat – Reseıde koronavırýspen naýqastanǵan adamdar sany bir táýlikte 12846 adamdy qurady.
Bul indet taraǵaly beri tirkelip otyrǵan eń joǵary kórsetkish.
Bul týraly senbi kúni jýrnalısterge jańa ınfektsııamen kúres federaldy jedel shtabynda habarlandy.
Vırýs anyqtalǵandar sany eki kúnnen beri eń joǵary kórsetkishti kórsetip tur. Juma kúni shtab ókilderi 12126 adamnyń qaýipti vırýsty juqtyrǵanyn habarlaǵan edi, dep habarlaıdy QazAqparat reseılik TASS agenttigine silteme jasap.
Salystyrmaly túrde alǵanda ósim 1% deńgeıinde.
Іndettiń taraý kórsetkishteri tómen óńirler: Sheshen Respýblıkasy (0,2%), Chývash Respýblıkasy (0,4%), Máskeý, Týla oblystary men Tyva, Tatarstan, Bashqurtstan men Chýkotkada 0,5%-ten.
Bul rette Reseıde vırýs juqtyrǵany eń kóp rastalǵan azamattardyń teń jartysy 10 óńirge tıesili bolyp otyr. Vırýs juqtyrýdyń jańa 4105 jaǵdaıy (eń arysy mamyr aıynan beri) Máskeýde anyqtalǵan, 501 jaǵdaı Sankt-Peterbýrgte (bul kórsetkish 16 mamyrdan beri alǵash ret tirkelip otyr), 416 Máskeý oblysynda, 269 jaǵdaı Rostov oblysynda, 257 jaǵdaı Nıjegorodsk oblysynda (sońǵy ret mundaı kórsetkish 11 maýsymda tirkelgen) tirkeldi.
