Reseıde bir táýlikte 12 myń adamnan koronavırýs anyqtaldy
MÁSKEÝ. QazAqparat – Reseıde bir táýlikte 12126 adamnan koronavırýs anyqtaldy. Bul týraly QazAqparat QR Úkimeti janyndaǵy vedomstvoaralyq komıssııanyń resmı jańalyqtary telegram kanalyna silteme jasap habarlaıdy.
Reseıde 9 qazanda 12126 adamnan koronavırýs anyqtalǵan. Bul elde epıdemııa bastalǵannan kezeńdegi eń joǵar,y kórsetkish. Elde COVID-19 juqtyrǵan patsıentterge arnalǵan bos tósek-oryndar sany kún sanap qysqaryp jatyr.
Reseıdiń Densaýlyq mınıstrligi turǵyndardy demalys kúnderi úıde bolyp, saqtyq sharalaryn saqtaýǵa shaqyrýda.
Eske salsaq, buǵan deıin Reseıde koronavırýs juqtyrǵan naýqastarǵa arnalǵan tósek-oryndardyń 90%-y bos emes ekendigi týraly habarlaǵan bolatynbyz.