Reseıde bir táýlikte 115 adam koronavırýstan kóz jumdy
NUR-SULTAN. QazAqparat –Reseıde bir táýlikte koronavırýs ınfektsııasyn juqtyrǵan 9 263 adam tirkeldi. Bul týraly QazAqparat Jedel shtabtyń telegram kanalyna silteme jasap habarlaıdy.
RF-tiń 83 óńirinde ótken táýlikte COVID-19-dy juqtyrǵan 9 263 adam anyqtaldy. Bul elde barlyǵy 299 941 adam qaýipti vırýsty juqtyrǵan. Odan jazylyp shyqqandar sany — 76 130 adam.
Sonymen qatar, bir táýlikte atalǵan vırýstyń kesirinen 115 adamnyń kóz jumǵany belgili boldy. Al jalpy koronavırýstan 2 837 adam qaıtys boldy.
