Reseıde bir táýlik ishinde koronavırýs juqtyrǵandar sany 9,6 myńǵa kóbeıdi
MÁSKEÝ. TASS – QazAqparat – Sońǵy táýlikte Reseıde koronavırýs dertine shaldyqqandar sany 9 623 adamǵa kóbeıip, jalpy sany 124 054 adamǵa jetti. Osylaısha Reseı álemde koronavırýs juqtyrǵandar sany boıynsha jetinshi orynǵa shyqty, dep habarlaıdy QazAqparat TASS agenttigine silteme jasap.
Koronavırýs ınfektsııasymen kúres jedel shtaby senbi kúni jýrnalısterge ınfektsııadan 15 013 adam saýyǵyp, 1 222 adamnyń qaıtys bolǵanyn habarlady. Jańa juqtyrý juma kúngi kórsetkishten 21,3%-ǵa artyq. Táýlik boıy ósý qarqyny 8,4% boldy.
Jańa juqtyrǵandardyń 4 488-inde (46,6%) aýrýdyń eshqandaı belgisi bolmaǵan.
Sonymen qatar Máskeýde 5 358 jańa juqtyrý oqıǵasy tirkelip, jalpy ınfektsııa juqtyrǵandar sany 62 658-ge jetti.
Sonymen qatar, 82 aımaqta ınfektsııany juqtyrý faktileri tirkeldi. Onyń ishinde Máskeý oblysynda - 807, Sankt-Peterborda - 323, Nıjegorod oblysynda - 320, Mýrmanskide 143 jáne Daǵystanda 109 jaǵdaı anyqtaldy.
Bir táýlikte 69 aımaqta 1 793 adam emdelip shyqty. Onyń 608-i Máskeýde, 98-i Sankt-Peterborda, 66-y Perm aımaǵynda, 56-sy Daǵystan, 45-i Máskeý oblysynda jáne 45-i Sheshen Respýblıkasynda.
Sońǵy táýlikte 57 adam koronavırýstan kóz jumdy. Reseı Federatsııasynyń 13 aımaǵynda jańa koronavırýsty juqtyrǵandar sany 1 myńnan asty.
