Reseıde bir apta ishinde koronavırýsty juqtyrý oqıǵalarynyń sany úsh ese artty
MÁSKEÝ. TASS – QazAqparat – Reseıde koronavırýsty juqtyrýdyń rastalǵan jaǵdaılar sany 15 myńnan, al Máskeýde 10 myńnan asyp tústi. Bul týraly jeksenbi kúni jańa ınfektsııamen kúres jónindegi federaldyq jedel shtabta málimdedi, dep habarlaıdy QazAqparat TASS agenttigine silteme jasap.
Táýlik ishinde Reseıde 2 186 adamnyń indet juqtyrǵany anyqtaldy – bul bir kún burynǵymen salystyrǵanda shamamen úshten birge artyq. Al jalpy sany 15 770 qurady, ıaǵnı senbimen salystyrǵanda bul kórsetkish 16% ósken. Osy aýrý saldarynan taǵy 24 adam qaıtys bolǵan. Jalpy alǵanda pandemııadan kóz jumǵandar 130-ǵa jetti. Táýlik ishinde aýrýhanadan shyqqan adamdar sany 10 ese artty – 246. Jalpy indetten jazylǵandar -1 291, bul jalpy aýrýdy juqtyrǵandardyń 8,2% quraıdy.
Bir apta buryn Reseıde koronavırýsty juqtyrǵandardyń rastalǵan sany 5 myńnan asqan bolsa, al sońǵy jeti kún ishinde úsh ese kóbeıdi. Bul rette táýlik boıy ósim kórsetkishi osy aptada 20% asqan joq. Ázirge reseılik mamandar kóz jumǵandardyń shartty deńgeıin álem boıynsha ortasha kórsetkish 5%-6%-dan edáýir tómen dárejede ustap otyr.
