Reseıde bılik ǵımarattaryn jarmaq bolǵan terrorısterdiń kózi joıyldy

VOLGOGRAD. TASS-QazAqparat – Reseıdiń Federaldyq qaýipsizdik qyzmeti elde tyıym salynǵan «Katıba Taýhıd val-Djıhad» halyqaralyq terrorıstik uıymynyń eki múshesiniń kózin joıdy, dep habarlaıdy QazAqparat TASS-qa silteme jasap.

Olar Volgogradta lańkestik áreketter jasamaq bolǵan.

Reseı FQQ-nyń Qoǵammen baılanys ortalyǵynan málim etkendeı, terrorısterdiń qyzmeti Sırııa aýmaǵynan basqarylyp otyrǵan. Olar «bılik ǵımarattaryna, áskerı qyzmetshilerdiń turǵylyqty jerlerine jáne jarylys-órt qaýpi bar kásiporyndarǵa» shabýyl jasaýdy josparlaǵan.

«Ustaý operatsııasy barysynda uıym basshysy men onyń sybaılasy Reseı FQQ qyzmetkerlerine qarýdy paıdalana otyryp, qarsylyq bildirgennen keıin olardyń kózi joıyldy», - delingen aqparatta.

Budan bólek, oqıǵa ornynan Volgograd kartasy tabylǵan, onda josparlanǵan terrorıstik shabýyldardyń orny kórsetilgen. Atap aıtqanda, kartada qara túspen «Otan Ana» monýmentiniń janynda shabýyl uıymdastyrylmaq bolǵany belgilengen.