Reseıde benzın men dızeldik otyn aktsızderi ósti

ASTANA. QazAqparat - RF-ta avtomobıl benzıni aktsızderiniń baǵasy 1 sáýirden bastap bir lıtr úshin 2 rýblge, dızeldik otynǵa - bir lıtr úshin 1 rýblge ósedi, dep habarlaıdy RIA Novostı.

Tıisti qujatqa RF prezıdenti Vladımır Pýtın qol qoıdy. Qujatqa sáıkes, avtobenzındi zańsyz shyǵarýǵa qyzyǵýshylyqty boldyrmaý maqsatynda tikeleı tasymaldanǵan benzın aktsızderiniń baǵalary da kóterilip jatyr.

Osylaısha, 1 sáýirden bastap bir tonna besinshi klastaǵy benzın aktsıziniń baǵasy 10,13 myń rýbldi, al 2017 jyly - 7,43 myń rýbldi quraıdy. Besinshi klasqa sáıkes kelmeıtin benzın, sondaı-aq tikeleı tasymaldanǵan benzın  aktsızderiniń quny 2016 jyldyń 1 sáýirinen bastap 31 jeltoqsanǵa deıin bir tonna úshin 13,1 myń rýbldi, al 2017 jyldan bastap - 12,3 myń rýbldi quraıdy.