Reseıde benzın baǵasy rekord jańartty

MÁSKEÝ. QazAqparat – Reseıdiń eýropalyq bóliginde «Premıým-95» markaly benzınniń bırjalyq baǵasy beısenbi kúngi saýda-sattyq qorytyndysy boıynsha alǵash ret tonnasyna 71 myń rýblden joǵary kóterilip, maksımaldy kórsetkishke jetti. Mundaı derekti Sankt-Peterbýrg halyqaralyq taýar-shıkizat bırjasy keltirdi, dep habarlaıdy QazAqparat TASS-qa silteme jasap.

Aı-95 benzıniniń baǵasy bir kúnde 1,11%-ǵa, tonnasyna 71,746 myń rýblge deıin ósip, rekord jańartty. Buǵan deıingi rekordtyq kórsetkish aldyńǵy kúni, 23 tamyzda ornap, tonnasyna 70,959 myń rýblge jetti.

Jazǵy dızel otyny 0,56%-ǵa, tonnasyna 66,026 myń rýblge deıin, Aı - 92 benzıni 0,42%-ǵa, tonnasyna 62,432 myń rýblge deıin arzandady. Reaktıvti qozǵaltqyshtarǵa arnalǵan otynnyń baǵasy (avıakerosın) 0,56% - ǵa, tonnasyna 68,183 myń rýblge deıin, qyzdyrǵysh mazýt 1,66%-ǵa, tonnasyna 33,121 myń rýblge deıin ósti.

Suıytylǵan kómirsýtek gazdarynyń (SKG) quny 1,69%-ǵa, tonnasyna 28, 522 myń rýblge deıin tómendedi. SKG negizgi óndirýshileri ornalasqan Oral jáne Sibirde otynnyń bul túri 4,64%-ǵa, tonnasyna 24,143 myń rýblge deıin arzandady.