Reseıde belgisiz bireý pyshaqpen adamdarǵa shabýyl jasady
ASTANA. QazAqparat - Reseıde oqys oqıǵadan zardap shegýshi aýyr halde jatyr, dep habarlaıdy TASS.
Reseıdiń Hanty-Mansııskıı avtonomdy okrýgigiń ortalyǵy Sýrgýtte qoldy pyshaǵy bar belgisiz adam jolda ketip bara jatqan adamdarǵa shabýyl jasaǵan. Odan segiz adam zardap shekti.
«Aldyn ala aqparat boıynsha, belgisiz er adam qalanyń ortalyq kóshesinde júgirip, kezdesken adamdardy pyshaqtaǵan. Sonyń saldarynan segiz adam zardap shekti. Qazir olardyń barlyǵy qalalyq aýrýhanada. Atalmysh fakti boıynsha qylmystyq is qozǵalyp, oqıǵa ornynda quqyq qorǵaý organdary jumys isteýde», - dedi qalalyq quqyq qorǵaý organynyń baspasóz qyzmeti.
Dárigerdiń aıtýy boıynsha, pyshaqtan jaraqattanǵan bir adamnyń jaǵdaıy aýyr.
