Reseıde belgisiz bireý baqshadaǵy bala kútýshi men eki búldirshindi atyp óltirdi
«Er adam balabaqshaǵa kirip, bala kútýshi men eki búldirshindi atyp óltirdi», - dedi agenttikke suhbat berýshi.
Sodan keıin ol ózine qol jumsaǵan.
Derekkózdiń habarlaýynsha, atys sebebi turmystyq janjal bolýy múmkin. Atys balalar demalyp jatqan kezde bolǵan.
«Er adam balalar uıyqtap jatqan bólmede oq jaýdyrǵan», - delingen derekkózde. Onda kórsetilgendeı, oq atýshynyń jeke basyn anyqtaý ázirge qıyn bolyp otyr.
Balabaqshanyń taǵy bir qyzmetkeri oq jaraqatyn alǵan. Óńirdiń densaýlyq saqtaý mınıstrligi zardap shekken adamǵa medıtsınalyq kómek kórsetilip jatqanyn naqtylady.
Oqıǵa týraly aqparatty aımaq úkimetiniń baspasóz qyzmeti de rastady. Vedomstvo oq jaýdyrǵan adamnyń óz-ózine qol jumsaǵanyn aıtty.
«Aldyn ala aqparat boıynsha, 2016 jáne 2017 jyly týǵan eki búldirshin men bala kútýshi qaza tapty», - dep jazdy osy óńirden saılanǵan Memlekettik Dýmanyń depýtaty Sergeı Morozov Telegram kanalynda.
