Reseıde bazar janyp jatyr: Órt aýmaǵy 3 myń sharshy metrden asty
ROSTOVTAǴY-DON. TASS-QazAqparat – Reseıdiń Rostovtaǵy Don qalasynda «Klassık» bazary órtenip jatyr. Pıratehnıka satatyn pavılonnan shyqqan órttiń sharpyǵan aýmaǵy 3 myń sharshy metrden asty, dep habarlaıdy QazAqparat TASS agenttigine silteme jasap.
Jeksenbi kúni tańerteń «Klassık» bazarynda pıratehnıka satatyn pavılonnan órt shyqqan. Basynda órttiń taralý aýmaǵy 200 sharshy metrdi qurady. Nur-Sultan ýaqytymen túski saǵat 12.00-degi jaǵdaı boıynsha, jalyn sharpyǵan aýmaq 3 myń sharshy metrdi qurady.
Órtten feıerverkter atyla bastaǵan.
«Aldyn ala málimet boıynsha, bazardaǵy órttiń sebebi – jylyný úshin qoldanylǵan peshtiń aqaýy», - dep málim etken agenttikke derekkóz.
Bazar áli de ashyq jalynmen janyp jatyr. Ǵımırat ishinde pavılondar opyrylyp qıraǵan.
Óńir prokýratýrasy bazarda órt qaýipsizdigi talaptarynyń saqtalýyna qatysty tekseris bastady.
«Rostov oblysynyń prokýratýrasy órt qaýipsizdigi talaptarynyń saqtalýyna qatysty tekseristi bastady. Órtti sóndirý jumystaryna qadaǵalaý júrgizilýde. Tekserister keıin quzyrly organdardyń is-áreketine baǵa beriletin bolady. Zań buzylǵany anyqtalǵan jaǵdaıda áreket etýdiń tıisti sharalary qoldanylady», - dedi vedomstvonyń baspasóz qyzmetinen.
Tilsiz jaýmen kúreske 192 adam, 66 tehnıka jumyldyrylǵan.
Jalynnyń taralý qaýpi áli de saqtalýda. Qaza bolǵandar men zardap shekkender týraly aqparat túspegen.
