Reseıde baılanys operatorlary tarıfterdiń qalaı ósýi múmkin ekenin aıtty

ASTANA. KAZINFORM - 2026 jyldan bastap Reseıde uıaly baılanys pen ınternet qyzmetteriniń baǵasy ósedi. Bul týraly iri reseılik baılanys operatorlary málimdedi. Aqparatty Kazinform agenttiginiń menshikti tilshisi reseılik BAQ-qa silteme jasap habarlaıdy.

Tarıfterdiń qymbattaýyna qosylǵan qun salyǵynyń (QQS) ósýi, ınflıatsııa jáne jelilerdi jańǵyrtý qajettiligi sebep bolyp otyr.

RBK dereginshe, operatorlardyń basym bóligi aldaǵy ózgerister týraly abonentterin aldyn ala habarlandyrǵan. Atap aıtqanda, mundaı eskertýdi «T2», «Bılaın», «T Mobaıl» jáne «Rostelekom» taratqan.

«T2» birqatar tarıf boıynsha aı saıynǵy tólemdi 750 rýblden 900 rýblge deıin kótermek.

«Bılaın» sheksiz ınternet úshin táýligine 4,5 rýbl kóleminde qosymsha aqy engizip, basqa da qyzmetterdiń baǵasyn «jańartqanyn» habarlady.

«T Mobaıl» baılanys qunyn aıyna 449 rýblden 709 rýblge deıin arttyrmaq.

Al «Rostelekom» úı ınternetiniń abonenttik tólemin 60 rýblge ósirgen.

Óz kezeginde Reseıdiń Federaldy monopolııaǵa qarsy kúres qyzmeti baılanys qyzmetteriniń qymbattaýyna qatysty aqparatty tekseretinin málimdedi. 

Vedomstvo negiz bolǵan jaǵdaıda tıisti antımonopolııalyq sharalar qabyldanatynyn atap ótti.

Buǵan deıin Reseıde kelesi jyldan bastap QQS mólsheri 22 paıyzǵa deıin ósetini habarlanǵan bolatyn.

Sondaı-aq Roskomnadzor WhatsApp messendjeriniń Reseıde tolyq buǵattalý múmkindigin joqqa shyǵarmaıtyny týraly da jazǵan edik.

Sondaı-aq Reseıde QQS qashan tómendeıtini belgisiz ekeni aıtyldy.