Reseıde «Batys Qytaı - Batys Eýropa» magıstralin salý 2017 jyly bastalady
ASTANA. QazAqparat - Reseı aýmaǵynda «Qytaı - Batys Eýropa» avtomobıldik magıstralin salý kelesi jyldyń basynda bastalýy múmkin. Bul týraly Brıansk oblysynda jol salýǵa arnalǵan májiliste Federaldyq jol agenttiginiń basshysy Roman Starovoıt málimdedi, dep habarlady TASS.
Rosavtojol basshysynyń aıtýynsha, «Merıdıan» ataýyn alǵan jol jobasy sońǵy birneshe jylda pysyqtaldy. Qazir ázir bolyp qaldy. Endi naqty jumystar jaıly áńgime bastaldy. «Áriptester búgin bizge olar jer ýchaskelerin resimdeý, jobaaldy, ınjenerlik jumystar bóligin jasaǵanyn aıtty», - dedi ol.
Májiliste jol qurylysyna beriletin jerdi resimdeý, ruqsattar men kelisimder alý máseleleri talqylandy. Bul mysaly, Brıansk oblysynda buryn múldem avtomobıl qatynasy bolmaǵan jańa marshrýt boıynsha jol tóseletinimen baılanysty. Kompanııa ókili ınvestor tas jol óńirine Orel oblysynan kelip, qurylys R-120 "Orel-Brıansk-Smolensk" kúre jolymen qatar júrgiziletinin aıtty.
Qytaıdan Batys Eýropaǵa jol Qytaıdan bastalyp, Qazaqstan, RF birqatar óńirleri arqyly ótedi de, Smolensk oblysy aýmaǵyna Belarýske kiredi. Tórt jolaqty jol aqyly bolmaq. EAEO-ǵa kirmeıtin elder tasymaldaýshylaryna jolaqysy 70 eýrotsentti quraıdy.
"Rýsskaıa holdıngovaıa kompanııa" bas dırektorynyń orynbasary Dmıtrıı Sapojnıkov atap ótkendeı, magıstral boıynsha Batys Eýropaǵa ortalyq Qytaıdan júk jetkizý 11 kúndi alady, al teńiz arqyly bul jol 80 kúndi quraıdy. Ol bul jol arqyly júk jetkizý barynsha arzanǵa túsetinin aıtty.
Onyń aıtýynsha magıstral 2020 jyly salynyp bitedi. Brıansk oblysy aýmaǵyndaǵy qurylys quny 7 mlrd rýblge jýyq qarjyny quraıdy.
