Reseıde basqa aýrýlardyń arasynda shoshqa tumaýynyń vırýsy basym

NOVO-OGAREVO. TASS – QazAqparat – Reseıde basqa tumaý ınfektsııalarynyń arasynda A(H1N1)2009 shtammyn nemese shoshqa tumaýyn juqtyrǵandar basym. Bul týraly Rospotrebnadzor basshysy Anna Popova sársenbide Reseı prezıdenti Vladımır Pýtınniń úkimetpen kezdesýinde málim etti, dep habarlaıdy QazAqparat TASS agenttigine silteme jasap.

«Reseı Federatsııasynda tumaý vırýstarynyń basym bóligi – A (H1N1) tumaýy vırýsy. Bul – 2009 jylǵy tumaýdyń pandemııalyq nusqasy. Sol kezde bul vırýs alǵash ret paıda bolyp, pandemııaǵa ákelgen edi», - dedi ol.

Popova eldegi qazirgi epıdemııalyq jaǵdaıdy «kúrdeli» dep sıpattady.

Vedomstvo basshysy kovıd, respıratorlyq ınfektsııalar jáne tumaý aýrýlaryna shaldyǵýshylardyń shamaly artqanyn aıtty.

«Búgingi tańda densaýlyq saqtaý júıesinde tumaý men JRVI-ǵa qatysty jaǵdaı alańdatarlyq», - dedi ol.

Ol tumaýdyń bul túriniń taralý jaǵdaıyn retteý múmkin ekenin aıtty.

Popova Reseı Federatsııasynda tumaý vırýstarynyń basym bóligi A (H1N1)-2009 shtamy nemese 2009-2010 jyldardaǵy tumaýdyń pandemııalyq nusqasy shoshqa tumaýy ekenin aıtty.