Reseıde barlyq EO elderinen kókónis tasymalyna tyıym salyndy

«Rospotrebnadzor» bul sheshimdi Eýropa boıynsha ótkir ishek juqpaly indetiniń taralýy saldarynan qabyldap otyr. Buǵan deıin «tyıym» tek Germanııa men Ispanııadan ákelinetin ónimderge ǵana salynǵan bolatyn, - dep habarlaıdy VESTI.ru.

Germanııa boıynsha 16 adamnyń ómirin qıǵan ishek juqpaly indeti taǵy bir eýropalyq el - Chehııadan tabyldy. Pragalyq aýrýhanaǵa ishek qurylysynyń buzylýy belgilerimen bir amerıkandyq jıhangez qyz kelip túsken. Qazirgi ýaqytta onyń jaǵdaıy qalypty dep baǵalanýda.

Jalpy Eýropa boıynsha atalmysh dertke shaldyqqandardyń sany myńnan asady, alaıda juqpaly indettiń shyǵý kózi áli tabylmaı otyr. Germanııada jasalǵan sońǵy saraptaý nátıjesi boıynsha, ıspandyq qııarlardyń oǵan esh qatysy joq kórinedi. Degenmen, jaǵdaıdy ýshyqtyrmas úshin sarapshylar ýaqytsha kókónis tutynýdan bas tartýǵa keńes beredi.