Reseıde Balıden oralǵan áıelden Zıka vırýsy anyqtaldy
ASTANA. KAZINFORM — Reseıde Zıka bezgegin juqtyrýdyń syrttan ákelingen bir jaǵdaıy anyqtaldy. Bul týraly reseılik buqaralyq aqparat quraldaryna silteme jasaǵan Report habarlady.
Aýrý Balıdegi demalystan Máskeýge oralǵan áıelden anyqtalǵan. Reseıdiń Tutynýshylardyń quqyqtaryn qorǵaý jáne adam ál-aýqatyn baqylaý jónindegi federaldyq qyzmetiniń (Rospotrebnadzor) málimetinshe, el aýmaǵynda ınfektsııanyń taralý qaýpi joqqa shyǵarylǵan.
Vedomstvo ókilderi Reseı aýmaǵynda tirshilik etetin masalar qaýipti tropıkalyq qyzbalardy taratýshy retinde joǵary epıdemıologııalyq qaýip tóndirmeıtinin atap ótti.
Buǵan deıin Kongoda bastalǵan Ebola indeti taǵy tórt elge taraǵanyn jazdyq.
