Reseıde balalarǵa erekshe esim qoıýǵa tyıym salynady
ASTANA. QazAqparat - Otbasy, áıelder men balalar máselesi jónindegi RF Memlekettik Dýma Komıteti sandardan, qysqarǵan jáne balaǵat sózderden turatyn erekshe esimderdi tirkeýge tyıym salady.
Senator Valentına Petrenko 1998 jyldan beri tirkelgen erekshe esimderdiń statıstıkasyn keltirdi. Uldar ıelengen eń ózgeshe ataýlar: «Nıkolaı-Nıkıta-Nıl, Hrıstamrırados, Delfın, ıAroslav-Lıýtobor, Lýka-Schaste Sammerset Oýshen bolǵan. Qyzdar arasynda: Aprel, Polına-Polına, Prıntsessa Danıella, Zarıa-Zarıanıtsa, Alesha-Kaprına, Okeana, Sofııa-Solnyshko» syndy esimder kezikken.
Sonymen birge bastama avtory 10 jyldan beri sheshilmeı kele jatqan uldyń oqıǵasyn baıandap berdi:
«BOCh rVF 260602 (Bıologııalyq nysan túri adam, Voronınder - Frolovtar tuqymynan, 2002 jyldyń 26 maýsymynda týylǵan) áli kúnge deıin qujatsyz ómir súrip jatyr. Sebebi máskeýlik AHAJ sábıdiń múddesin qorǵaý maqsatynda onyń esimin tirkeýge alýdan bas tartqan. Sot ta AHAJ qyzmetkerleriniń paıdasyna sheshildi. Zań jobasyn qabyldaý kámeletke tolmaǵan sábılerdiń zańmen qorǵalatyn múddesi men konstıtýtsııalyq quqyqtaryn tıimdi memlekettik qorǵaýmen qamtamasyz etýge múmkindik beredi», - dedi Valentına Petrenko.
Búginde RF zańnamasynda ata-analardy balalardyń múddesi men quqyqtaryn buzbaıtyn esimderdi ǵana berýge mindetteıtin norma joq. Sondaı-aq, aıqyn bassyzdyqtarda qandaı shara qoldaný kerektigi de zańda kórsetilmegen. Mundaı erkindik keıbir adamdardyń ata-analyq quqyqtaryn asyra paıdalanýyna ákep soǵady.
