Reseıde balalar mingen avtobýs aýdaryldy, 7 adam qaza boldy
KALÝGA. QazAqparat - Reseıdiń Kalýga qalasynda avtobýs aýdaryldy. Jeti adam qaza boldy, olardyń tórteýi - balalar. Taǵy 31 adam zardap shekti, dep habarlaıdy QazAqparat TASS agenttigine silteme jasap.
Buǵan deıin RF Tótenshe jaǵdaılar mınıstrliginen habarlanǵandaı, balalardy tasymaldap bara jatqan avtobýsta 48 adam bolǵan, olardyń 33-i - balalar.
Jol-kólik apaty Kalýga oblysy Babynınsk aýdanynyń Izvekovo eldimekenine jaqyn jerdegi óńirlik mańyzy bar trassada (37-inshi shaqyrym) boldy. Smolenskten Kalýgaǵa bet alǵan kólik bir búıirine aýdarylǵan.
RF Qylmystyq kodeksiniń 264-baby 1-bóligi boıynsha (Jol júrý jáne kólik quraldaryn paıdalaný erejelerin buzý) qylmystyq is qozǵaldy.
