Reseıde BAQ-ta ózine-ózi qol salý týraly jazýǵa tyıym salynatyn bolady
ASTANA. QazAqparat - Ýdmýrtııa memlekettik keńesiniń depýtattary Memlekettik dýmaǵa BAQ pen blogerlerdiń ózine-ózi qol salý oqıǵalary men ony qandaı jolmen jasaǵany týraly habarlama taratýǵa tyıym salynatyn zań jobasy usynyldy, dep habarlaıdy TASS.
Depýtattar «Buqaralyq aqparat quraldary týraly» federaldyq zańdaǵy aqparat quraldarynyń bostandyǵyn teris paıdalanýǵa jol bermeý týraly bapty tolyqtyrýdy usynyp jatyr. Ol jerge BAQ pen aqparattyq-telekommýnıkatsııalyq jelilerde «ózin-ózi óltirý tásilderi, bolǵan oqıǵanyń mán-jaıy men jaǵdaılary, sondaı-aq ózine-ózi qol salýǵa tikeleı nemese janama ıtermeleý týraly aqparattardy» taratýǵa tyıym salatyn normany engizý týraly usynys jasaldy.
Sonymen qatar, zań shyǵarýshy bılik ókilderi federaldy zańǵa mundaı aqparattardy balalar arasynda taratýǵa ruqsat etpeıtin sáıkes tolyqtyrýlardy engizý kerektigin atap ótti.
Zań jobasynyń avtorlary 80-jyldary metroda ózine-ózi qol salý oqıǵasy kúrt artqan Aýstralııanyń tájirıbesinen mysal keltirýde.
