Reseıde aıý bir top týrıske shabýyl jasap, 16 jasar bozbala kóz jumdy

NUR-SULTAN. QazAqparat – Reseıdiń Krasnoıar ólkesindegi «Ergakı» ulttyq saıabaǵynda júrgen bir top týrısterge aıý shabýyldap, saldarynan bir jasóspirim qaza taýyp, taǵy bir adam jaraqat aldy. Bul týraly QazAqparat TASS aqparat agenttigine silteme jasap habarlaıdy.

«Aıý 13 adamnan turatyn týrıster tobyna shabýyl jasaǵan. Saldarynan eki adam zardap shegip, onyń bireýi – 16 jastaǵy jasóspirim qaıtys boldy», - dep málimdedi TJM jergilikti bólimshesinen.

TJM aqparatynsha, qazirgi kezde týrıster baǵdardan shyǵarylyp jatyr.

Krasnoıar ólkesi men Hakasııa boıynsha tergeý komıtetiniń basqarmasy janýardyń adamdarǵa shabýyldaýy faktisine qatysty tekserý jumysyn bastady.

Oqıǵa ornyna tergeý-jedel toby shyqty.

«Ergakı» saıabaǵy Krasnoıar ólkesiniń ońtústiginde ornalasqan. Onyń aýdany – 342 myń ga.