Shymkentte asfaltty mólsherden tys satyp alýdy josparlaǵan mekeme basshysy jaýapqa taratyldy

ShYMKENT. KAZINFORM - Ol 759 mln teńgege artyǵymen memlekettik satyp alýdyń jyldyq josparyn bekitken.

Shymkentte bıýdjettik jáne qarjylandyrý josparyna sáıkes kelmeıtin somaǵa memlekettik satyp alýdyń jyldyq josparyna qol qoıǵany úshin 5 memlekettik uıymnyń laýazymdy tulǵalary ákimshilik jaýapkershilikke tartyldy. Máselen, «Ó.Joldasbekov atyndaǵy №9 IT lıtseıi» KMM-de 45 myń dana A-4 qaǵazyn satyp alý jospary negizsiz bekitilip, qajettilik pen bıýdjettik lımıtten 90 mln teńgege asqan.

Sondaı-aq, «Qarataý» KMM asfaltty mólsherden tys satyp alýdy josparlap, 759 mln teńgege artyǵymen satyp alýdyń jyldyq josparyn bekitken.

- Qazirgi tańda memlekettik uıymdardyń satyp alý josparlary sáıkestendirildi. Taýarlar, jumystar men qyzmetter qunyn artyǵymen engizý joǵary baǵamen satyp alýǵa yqpal etedi. «Zań men tártip» qaǵıdaty aıasynda osy baǵyttaǵy jumys jalǵasatyn bolady,-dep jazdy áleýmettik jelidegi paraqshasynda Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń basshysy Qanat Súleımenov. 

Aıta keteıik, budan buryn Túrkistan oblysynda bilim salasynyń qyzmetkerleri 547 mıllıon teńgeden astam qarjy jymqyrdy degen aıyppen sottalǵanyn jazǵan bolatynbyz.