Reseıde áıel bireýdiń balasyn perzenthana terezesinen laqtyryp jiberdi
Náreste alǵan jaraqattardan mert bolǵan. Bul týraly Reseıdiń Bashqurtstan Respýblıkasy boıynsha Tergeý komıtetiniń baspasóz qyzmeti málim etti, dep habarlaıdy QazAqparat TASS agenttigine https://tass.ru/proisshestviya/12144895 silteme jasap.
Tergeý nusqasy boıynsha, 16 tamyz kúni saǵat shamamen 18:00-de bir áıel Sterlıtamak perzenthanasynyń úshinshi qabatynan ózimen birge bir palatada jatqan áıeldiń jańadan týǵan nárestesin laqtyryp jibergen. Bala alǵan jaraqattardan mert boldy.
«Reseı Federatsııasynyń Bashqurtstan Respýblıkasy boıynsha Tergeý komıtetiniń Sterlıtamak tergeý bólimi 29 jastaǵy Sterlıtamak turǵynyna qatysty jas balany óltirý baby boıynsha qarastyrylatyn qylmystyq is qozǵady», - dep málimdedi Tergeý komıtetinen.
Oqıǵa ornynda basshylyq pen tergeý bólimi, respýblıkanyń tergeý basqarmasy apparatynyń tergeýshi-krımınalısteri polıtsııamen birlesip jumys isteýde.
Quqyq qorǵaý organdarynyń qyzmetkerleri bolǵan oqıǵanyń mán-jaıyn anyqtap jatyr. Kúdiktige qatysty tergeý amaldary júrgizilýde, ony qamaý týraly másele qarastyrylyp jatyr. Qylmystyq istiń tergeýi respýblıkanyń tergeý basqarmasy basshylyǵynyń baqylaýynda.
